Ut Semper Vivant | Thierry Della Siega & Claude Benning

D‘ Geschicht an de Folklor vun de lëtzebuerger Studenten an der Belsch

____________________

EDITION CLASSIQUE

Dëst Buch erzielt d’Geschicht vun de lëtzebuerger Studenten an der Belsch, mat hirem ganz spezielle Folklor a mat hire sëlleche Spiichten, sou ewéi si et fréier gedriwwen hunn an haut ëmmer nach dreiwen. Et geet virun allem rieds vun de Studenteveräiner zu Bréissel, Léck, Léiwen (Louvain), Woluwé a Namur, mä och déi belsch Traditioune ginn zum Deel ugeschwat. Den «Ut semper vivant» misst deemno virun allem déi fréier Studenten interesséieren, fir hir Erënnerungen
opzefrëschen an hir Nostalgie vun dëser schéiner Zäit ze ënnerhalen. Et soll awer och deenen haitege lëtzebuerger Studenten hëllefe, fir besser de belsche Folklor ze verstoen an eis lëtzebuerger Traditioune weiderzeféieren. Do dernierwt schwätzt d’Buch awer och déi Leit un, déi sëch einfach fir de sozialen an historeschen Aspekt vum Studentewiesen am grousse Ganzen a méi speziell an der Belsch interesséieren.