Lëtzebuerger Olympia Lexikon | Henri Bressler & Pierre Gricius & Georges Klepper

An dësem Buch ginn et Detailer iwwer déi 408 Lëtzebuerger, déi eemol oder méi dacks un den Olympesche Spiller (och un de Konschtconcoursen) deelgeholl hunn. Opgeféiert sinn d’Athleten no hirer respektiver Sportaart an alphabetescher Reiefolleg.
Ernimmt ginn d’Resultater, déi si bei de Spiller erreecht hunn, kompletéiert duerch Portraiten, déi je no der Leeschtung a je no den Ënnerlagen, déi zur Verfügung stoungen, méi oder manner grouss ausgefall sinn. Als Introduktioun gëtt et fir all Disziplin e geschichtleche Réckbléck, souwuel um internationale wéi um nationale Plang.