Lëtzebuerger Kascht modern opgedëscht (Band 1) | Ben Weber & René Kertz & Tom Marson

Mir dräi wore mat der Lëtzebuerger Kach- Nationalequipe op enger Ausstellung am Ausland, wéi äis d’Iddi koum e Kachbuch erauszeginn. Datt deen Dram esou séier géif Realitéit ginn, hätt kee vun eis deemools fir méiglech gehalen. D’Iddi, datt et e Lëtzebuerger Kachbuch sollt ginn, stoung vun Ufank u fest, awer et misst onbedéngt onser moderner, kreativer Zäit ugepasst sinn. Et huet och net laang gedauert, bis mir de richtegen Titel fonnt hunn: „Lëtzebuerger Kascht – modern opgedëscht“. Mat dësem Buch wëlle mir weisen, wéi een eis traditionell Lëtzebuerger Platen op eng modern Manéier preparéieren an och presentéiere kann.

Traditionell Lëtzebuerger Menüen, vun der Entrée iwwert den Haaptplat bis bei den Dessert. Mat ville Fotoe kritt de Lieser d’Handgrëffer zu deene verschiddene Preparatiounen gewisen.