Recherche sur Titre, Auteur, ou N° ISBN.


 












Détails :
: 12,5 x 20,5
: 268 pages
: 978-2-87953-527-2
: Luxembourgeois
: 10/2017
:

Item :

1963 huet den Norbi, e Bouf vun zwielef Joer, keng grouss Wiel. Et ass bal alles verbueden an iwwert déi meeschte Saache schwätzt een net. Et ginn déi Gutt oder déi Béis, déi Schwaarz oder déi Rout, den Himmel oder d'Häll, Perl oder Pica, wéi d'Schrëfttypë vun de Schreifmaschinnen, déi de Papp a sengem Buttek verkeeft.

Den Norbi fënnt am Agenda vu sengem Papp a regelméissegen Ofstänn e Buschtaf, de P. Dëse P stellt hie virun e grousst Rätsel. De Krich ass scho laang eriwwer, awer e geeschtert nach an de Käpp vun de Leit.

E Besuch am Monument aux Morts mat der Schoulklass ass wéi e Schock. A wann de P da fir Preis stéing? Fir e Gielemännchen?

Perl oder Pica beschreift eng lëtzebuergesch Kandheet zu Esch-Uelzecht. Et geet ëm d'Sich no der Frëndschaft an der Wourecht, aus der naiver a witzeger Siicht vun engem Bouf.

Doriwwer eraus ass de Roman eng Lëtzebuerger Chronik aus de 60er Joer, enger zimlech onkomplizéierter Zäit, déi dem jonken Erzieler awer ongerecht a verluge virkënnt.

 

Perl oder Pica ass dem Jhemp Hoscheit säin éischte Roman. E krut 1997 den 3. Präis beim nationale Literaturconcours, gouf fir d'éischt 1998 publizéiert - 2017 déi 7. Oplo - a krut 1999 de Servais-Präis fir dat bescht Buch, dat an deem Joer zu Lëtzebuerg publizéiert gouf. 

De Roman gouf 2005 vum Pol Cruchten no engem Dréibuch vum Viviane Thill verfilmt. (2007 Prix du Public beim 3. Lëtzebuerger Filmpräis.)

21. rue Beaumont -L-1219 Luxembourg - tél : (+352) 26 20 15 10  - fax :(+352) 26 20 10 26
siège : 108, rue de l'Alzette - L-4010 Esch-sur-Alzette - BP : 367 - L-4004 Esch-sur-Alzette
tél : (+352) 54 64 87 - fax : (+352) 53 05 34 - email : editions@schortgen.lu - Powered by  Luxis